فى يوم من الايام
فى ليلة من ليالى الصيف وطبعا عارفين ان الصيف سهر وخروجات الكلام ده كان فى اجازة 3 ثانوى
كنت سهران مع اصحابى لحد الساعة حوالى 3 بظبط كان اول مرة ارجع 3 كنت على طول لارجع بدرى على 12 او اما الصبح يطلع يعنى بعد الفجر
المهم كنت راجع تعبان اوى عشان احنا بنمشى ونجرى وحاجات كدة تخلى الواحد مش شايف ادامة
المهم يوميها كان بابا حالف عليا ان لو مرجعتش بدرى مش هيدخلنى
المهم انا عملت حسابى واخد معايا المفتاح عشان لو اتاخرت
وطبعا كنت متاخر ولقيت البوابة مقفولة بس انا معايا المفتاح بس المشكلة بئى باب طفى نور السلم كله
المهم جمدت قلبى وانا اساسا مكنتش شايف ادامى خلئة يعنى هى مضلمة مضلمة
فتحت البوابة
وصوت البوابة بليل والجو هدوء وساكت بيبئى فظيع وطبعا انا عاوز معملش صوت عشان مش عاوز بابا يعرف انى راجع متاخر
بعد ما سمعت صوت البوابة والتزيئة بتاعتها افتكرت فيلم رعب اجنبى اسمه (سكريم)وافتكرت الفلم حته حته وانا واقف جمب البوابة
المهم قمت فضلت اهز فى راسى عشان انسى الفيلم وطلعت وبعدين انا طالع السلم براحة
وطبعا براحة عشان سببين
الاول ان مش شايف حاجة خالص
والتانى عشان بابا ميصحاش
المهم طلعت درجات المدخل وبعدين طالع السلم
فجاة
حسيت بصوت رجل طلعة ورايا وقفت وسمعت وركزت اوى وطبعا مش شايف حاجة وحاسس بصوت فى المدخل
جريت اول سلم لحد المسطبة الاولى وضغط على كوبس النور بسرعة
وانا بضغط كنت بلف ورايا بسرعة عشان اشوف مين اللى ورايا
وببص ورايا
ملقتش حد وقفت مكانى عمال انهج ومرعوب وانا واقف الصوت اختفى
كنت لسة داخل على الدور التانى واحنا الدور التالت لا وايه الشقة فى الدور التانى فضية بقالها كتييييييييير
وقفت فى مكانى شوية افكر واقول يمكن بيتهيئلى وافكر بردو فى الشقة الفاضية ديه
وطبعا بابا كان مضلم البيت كله
المهم قمت طالع سلمة سلمة وانا مركز وودنى مركزة اوى
وبردو
سمعت نفس الصوت على السلم اللى انا لسة طالعه
وانا طالع براحة ومرعوب وسامع الصوت
وبسرعة
قمت جارى المرة دى المفروض اطلع سلمين عشان اوصل للكوبس التانى
قمت جارى وانا باخد سلمتين مرة واحد وجريت بسرعة اوى
وساعتها كنت عاوز البيت كله يصحى مش بابا بس مع انى مكنتش عاوزه يصحى)
وصلت للكوبس التانى وبردو كنت بضغط عليه وانا بلف بسرعة عشان اشوف مين اللى ورايا ووقفت
المرة ديه بئى اما وقفت الصوت مااختفاش وحسيت ان الصوت ده بيقرب منى
قمت جارى كان الباب بتاعنا قدامى طلعت السلم اللى قدام بابنا وكنت باخد خمس سليمات مرةواحدة كنت بقفز مش بطلع
ووصلت لباب وطبعا مش هينفع افتح بالمفتاح انا اعصابى بيظة والصوت بيقرب قمت
فضلت اخبط على الباب واضرب الجرس
ومحدش راضى يفتح اخبط اخبط اخبط خلاص الصوت المفروض انه طالع السلم اللى على شقتنا يعنى ثوانى وهشوفه
انا كنت بخبط وانا ساند على الباب ووشى ناحية المسطبة اللى تحت السلم اللى قدام شقتنا
وخلاص انا متاكد ان هشوف حاجة ترعبنى دلوقتى
فجاءة لقيت الباب اتفحت وانا بقع على بابا
وقفل الباب
وانا طبعا واقع على الارض عمال اخد انفاس عميقة وانهج ووببص حواليا لقيت بابا وماما واخويا واختى وكله بيبصلى
طبعا نجيت من الصوت بس وقعت فى ايد بابا
اول كلمة قالهالى انتى شارب ايه؟
قولت ياريتنى ما كنت خفت
وطبعا مصدقش انى مش شارب وخصوصا بعد ما حكتله انا كنت بخبط جامد ليه والكل قعد يضحك عليا
وطبعا كالعادة كلمتين عشان التاخير من بابا واللى زاد انه شك فيا ان بشرب حاجة
بس والله انا لاكنت شارب ولا كان بتهيئلى انا كنت متاكد ان فى صوت وكان نفسى اعرف ايه ده
ومن يوميها وانا مدخلش البيت الا الصبح بعد الفجر او بدرى
6 comments:
ايع يا عم ده ؟
حصلنا الرعب
بطلوه بقة البتاع ده
لا و الجزء بتاع سكريم جاى جنب الصورة المرعبة اللى فى البلوج بتاعكم
و فى الاخر تقع فى ايد بابا
طب ليه مجاش على دماغك تعمل ناصح
ما يمكن عمو هو اللى مأجر العفريت
بوست مرعببب
صحيح
اكيد باباك اللى مأجر العفريت
انت ابئا اجرله عفريت مرة
واهى جت بفايدة عليك
انتى خلصتو كابة دخلتو فرعب ولا ايه
حسيت للحظه انى باتفرج على فيلم i know what you did last sammer
على المفروض تغير الصنف
اما انتوا مش اد السهر برا بتسهروا ليــــــــــــــــــــــــه
حبيب قلبى ياكومى انته طلعت منهم خاف على نفسك بقى ياجميل علشان انا بحب الناس اللى بيخافو من الضلمه
وبعدن ازاى حد يخاف من بيتهم امال لوكان حصل ده فى شارع ضلمه كنت هتروح لمين يامسكين
وعلى العموم بلاش تزعل بابا او ماما لشان لما بيزعلو بيحصل حاجات و حشه
وحشتنى موووووت
ايه ياد يا كومي شغل الافلام العربي ده
تصدق اني خفت فعلا يامي يامي
عموما حكايه العفاريت مش جديده عليك
ابقى اقول تانى مره انك حتحكى فيلم رعب عشان مش اقراه بليل و اخاف كده ... :)
Post a Comment