في يوم من الايام اللي عمري محناساها في حياتي لانه يوم اسود طبعا
كانت مامتي في الشغل وانا كنت نفسي اكل تورته اوي فقولت لنفسي ليه معملهاش انا لوحدي هو انا صغير؟
وطبعا كنت صغير لان ايامها انا كنت في تالته ابتدائي والمهم قررت اخش المطبخ واعمل التورته بأديا واعدت ادور علي كتب الطبيخ بتاعه ماما لحد ملقيت واحد مكتوب فيه طريقه عمل التورته ومكدبتش خبر رحت اشتريت معظم المقادير من مصروفي ماعدا البيض فخدت كل البيض اللي في البيت وكانت كميه كبيره وبعدين قعدت احضر الوصفه واحط كل حاجه بالمقادير اللي مكتوبه في الكتاب واخفق اليبض وحطيت كل الخلطه في الفرن واعدت استنيت مده وبعدين بقا قولت اشوف بقا عمايل ايديا دا انا لازم اعرف ماما انها مش الوحيده اللي بتعرف تطبخ وبكل تفاؤل فتحت الفرن وياريتني مفتحته لاني اتصدمت
السنيه ملقتشي فيها تورته للاسف لقيت فيها
بسكوت مسكر اوي اوي
وطبعا ماما جت من الشغل وشافت اللي انا هببته وبعدت ما قعدت تهزأ في شويه وانا عمال اقنعها اني كنت عايز اعملها مفاجأه وطبعا مفيش فايده من الكلام ده
المهم قررت تعاقبني وحكمت عليا اني اكل البسكوت اللي عملته لوحدي ودا كان اسوأ عقاب
من اليوم ده حرمت اخش المطبخ تاني او اعدي حتي من ناحيته
17 comments:
سحبان الله ياسعيد تورته تطلع بسكوت بس تستاهل ازاى تفكر فى كداوانته فى السن دا اكيد اكيد كان نفسك فيها بجد بس دا مش يخليك تعملها بنفسك ايه الاصرار دا
انا على فكره حاولت اعمل الموضوع دا بس من اقل من اسبوع بس حاولت اعمل كيك بس مش علشان انا كنت عاوز كيك بس علشان الفضا بعيد عنك فجربت حظى بس سبحان الله الموضوع نجح وطلعت كيك بس
بس انا اعتقد لوكنت حاولت تعمل كيك كنت هطلعه ايه؟
اعتقد انك كنت هطلعه ايس كريم
صوره البوست جامده بتحسسنى انك كنت حاجه كبيره اوى وانته صغير
كلت البسكوت اللى انت عملته!! قصدى التورته!! سبحان الله و لسه عايش سليم احمدك يارب :) .. اوعى تجرب كيكه مجدى نقابه الصيادله محتجاك يا سعيد و احسنلك تلغى المطبخ خالص من الشقه عشان ماتحولش تفكر تانى انك تعمل حاجه
سعيد طبعا واثق فيا ومتاكد من خبرتى فى الحاجات اللى زى دى
وانا بقى لن اتنازل عن ان سعيد يجرب حاجه انا اللى عاملها بس هوه وحظه بقى فى اللى انا هعمله
hahahahahahahahahahahahaha
ya 3eny ya sa3ed
bs nice en mamtak 7`letak takol
elly enta 3amalto
3shan matt7`olsh elmatb7` tany
سبحان الله
يعنى البيتزابتاعتى تطلع بسكوت
والتورتة تطلع بسكوت
فاضل ايه تانى !
يلا بالنسبة لسنك بئا كمان
حاول تجرب تانى ومامتك مش موجودة بردو
و علفكرة الصورة لذيذة او ى
كان فى اغنيه زمااان كده
بتقول
" وادى جزاه الى ميسمعش كلمه ماما تقولها "
لذيذه اوي الاغنيه ديه يا لوزا غنيها واحفظها يا سعيد
بس موضوع جميل سعيد حبيبي
ههههههههههههه
هم الرجالة كده اول لما يدخلوا المطبخ قولوا على المطبخ يا رحمن يا رحيم فما بالك بالاطفال
و احمد ربنا انها طلعت بسكوت
انا عملت تورتة امبارح عند خالتو طلعت مجبسة شوية بس حلوة
بس لذيذ اوى البوست
magdy
مجدي حبيبي شوفت بقا اننا كنت وانا صغير واد مخلص بس الحمد الله جيه كله علي دماغي
اما بخصوص خبرتك فدي طبعا طبعا واثق فيها بس المشكله اني من اليوم ده حرمت اكل من اي حاجه تتعمل لاول مره
nawnaw
بجد دي فكره حلوه اوي البيت ميبقاش في مطبخ ونقضيها دليفري بقا وماله
اما بخصوص نقابه الصيادله فربنا يسمع من ك ونطلع من الكليه دي بعلقنا
break
يا محاسن الصدف
انتي طلعت البيتزا بسكوت برده
يا تري مامتك عملت معاكي ايه؟
بس انا عمري مهجرب تاني التورته
احتمال اجرب البتزا
komy
كده يا كومي شمتان فيا
طب يارب تجرب اللي انا شفته في اليوم ده
وانا عارف تانت ام الكومي بقا
ههههههههههههه
loza
انا بجد عرفت معني الاغنيه دي دلوقتي
وندمت علي ما فعلت وتبت ويارب يتقبل
شكرا علي ردك الحلو ده
shater
شكرا يا حبيب قلبي بس انا هسبك تغني انت الاغنيه دي عشان زي منتا عارف انا صوتي مش حلو
انما انت كروان ههههههههههه
kahramana
شكرا علي الرد الجميل ده
واحمدي ربنا انها طلعت معاكي تورته مش حلجه تانيه
ههههههههههه
وده اخرة اللي يدخل في حاجه مايعرفهاش :P
بس والله كويس هي دايما كده العظماء بيفشلوا في اول حياتهم :P
طبعا سوري على التخيييير الفظيييع بتاعي
وعايزين نشوف بقى بوست قريب لما طبخت وانت كبييير :P
Post a Comment